Our Partners

ភាសាខ្មែរ | English

អ្នកមានសំណួរ? ខ្ញុំមានចំលើយ!
Questions ? Get Your Answers?

ទំព័រសំនួរ និង ចំលើយ សូមស្វាគមន៍ !
នៅលើទំព័រនេះអ្នកអាចអាន និង ស្វែងរកសំនួរមួយចំនួន ដែលមិត្តអ្នកអានរបស់យើង បានចែករំលែកជូនអ្នក។

Welcome to Q and A!
Here you will find questions from our valuable readers that they would like to share with you. Their questions on health and love are answered by our famous Dr. Love.

Narith	30 years old	25.09.2013
Question 38: ខ្ញុំសូមជំរាបសួរលោកដុកទ័រ! ខ្ញុំពិតជាមានចំណាប់អារម្មណ៍ខ្លាំងណាស់ចំពោះវេបសាយ Healthandlove ព្រោះវាធ្វើអោយខ្ញុំយល់ដឹងកាន់តែច្រើនពីបញ្ហាក៏ដូចជាជំងឺផ្សេងៗដែលខ្ញុំមិនដឹង។ ថ្ងៃនេះខ្ញុំមានសំណួរមួយចំនួនដូចខាងក្រោមៈ ១.តើយើងអាចឆ្លងជំងឺអ្វីខ្លះនៅពេលដែលយើងធ្វើឱរ៉ាល់សិច? ២.ខ្ញុំធ្លាប់មានអាការៈរមាស់លើប្រដាប់ភេទតែវាបាត់ទៅវិញនៅពេលដែលខ្ញុំប្រើថ្នាំដែលគ្រូពេទ្យផ្តល់អោយ ខ្ញុំចង់សួរថាតើអាការៈរមាស់នេះវាបណ្តាលមកពីអ្វី? តើវាបណ្តាលមកពីខ្ញុំលាងសាប៊ូ ឬក៏មកពីការប្រើស្រោមអនាម័យ? ៣.តើជំងឺកាមរោគអាចឆ្លងតាមទឹកមាត់ដែរឬទេ? ៤.ខ្ញុំធ្លាប់មានដៃគូររួមភេទច្រើន តែខ្ញុំតែងតែប្រើស្រោមអនាម័យជានិច្ច តែខ្ញុំចង់សួរលោកដុកទ័រ ថាតើយើងអាចដឹងថាស្រោមបែកឬអត់តាមវិធីណាដែរ? ជាចុងក្រោយខ្ញុំសូមថ្លែងអំអរគុណដល់លោកដុកទ័រដែលបានស្រាយនូវចម្ងល់របស់ខ្ញុំ។ សូមអរគុណ! Answer: ខ្ញុំសូមអរគុណ! ១.ការធ្វើឱរ៉ាល់សិច អាចមានឆ្លងជំងឺប្រម៉េះទឹកបាយ ប្រម៉េះទឹកថ្លា ប្រសិនបើដៃគូរួមភេទនោះកើត ជំងឺណាមួយខាងលើនេះ ហេតុដូចនេះគឺសូមជៀសវាងប្រសិនបើអាចធ្វើទៅបាន ។ ២.ចំពោះអាការៈរមាស់លើប្រដាប់ភេទ គឺភាគច្រើនបណ្តាលមកពីពពួកផ្សិត និងពពួកទ្រីកូម៉ូណាស ដែលជាប៉ារ៉ាស៊ីត ឬ ពពួកប៉ាក់តេរីផ្សេងៗ ទៀត ហើយវាមិនមែនបណ្ដាលមកពីការលាងសាប៊ូ ឬក៏មកពីការប្រើស្រោមអនាម័យចំពោះបុរសទេ ហើយសូមព្យាបាលឲ្យជាសិន និងប្រើប្រាស់ស្រោម អនាម័យនៅពេលរួមភេទដើម្បីកុំឲ្យឆ្លងទៅដៃគូជាស្រ្តីដែលអាចមានភាពស្មុគ្រស្មាញក្នុងការ ព្យាបាលជាងបុរស ។ ៣.ជំងឺកាមរោគអាចឆ្លងតាមទឹកមាត់ គឺជំងឺរលាកថ្លើមប្រភេទ បេ ព្រោះជំងឺនេះ អ្នកជំនាញបាន ចាត់វាចូល ជាជំងឺឆ្លងតាមការរួមភេទ ឬជំងឺកាមរោគជាយូរមកហើយ ដូច្នេះសូមប្រយ័ត្នចំពោះ ជំងឺនេះ ។ ៤.ជាទង្វើល្អហើយដែលប្អូនតែងតែប្រើស្រោមអនាម័យជានិច្ច តែយើងអាចដឹងថាស្រោមបែកឬអត់នោះ គឺដោយសារការមើលឃើញផ្ទាល់តែម្តង នេះជាវិធីដែលរហ័សឆាប់ដឹងជាងគេ ។ អរគុណ

<< Back

Show all questions and answers