សំនួរទី១៖ តើនៅពេលណា ដែលជាពេលសមរម្យសំរាប់គូស្វាមីភរិយាសំរេចចិត្ត
អោយមានផ្ទៃពោះ?
ចំលើយៈ មុនពេលដែលគូស្វាមីភរិយាសំរេចចិត្ដចង់បានកូន គូស្វាមីភរិយានោះ គួរតែគិត អោយបានដិតដល់ ពីកត្ដាមួយចំនួនដែលធានាថា ពួកគេត្រូវបីបាច់ថែរក្សាកូននោះបាន។ ដូច្នេះគូស្វាមីភរិយាគួរតែ ៖
- មានសមត្ថភាព ក្នុងការផ្គត់ផ្គង់គ្រួសារខ្លួនឯងបាន
- ត្រូវត្រៀមជាស្រេច សំរាប់ការមានផ្ទៃពោះ
- មានចំណេះដឹងគ្រប់គ្រាន់ អំពីការមានផ្ទៃពោះ និង មានការទទួលខុសត្រូវ សំរាប់មើល បីបាច់ថែរក្សាកូននោះ និងក្រុមគ្រួសារទាំងមូល
- ពិនិត្យមើលឈាម ដើម្បីបញ្ចាក់ថាអ្នកទាំងពីរគ្មានផ្ទុកមេរោគអេដស៍ និង កាមរោគ។
សំរាប់ការផ្ដល់ប្រឹក្សា និងពិនិត្យឈាមរកមេរោគអេដស៏ ដោយស្មគ្រ័ចិត្ដ និង រក្សាការ
សំងាត់ សូមទំនាក់ទំនងមក វិទ្យាស្ថានជាតិប៉ាស្ទ័រទីតាំងជាប់មន្ទីរ ពេទ្យកាល់ម៉ែត ស្ថិតនៅសង្កាត់ស្រះចក ខ័ណ្ឌដូនពេញក្រុងភ្នំពេញ។ សូមមើលទៅលើគេហទំព័រ http://www.klahan.com/gettested.phpសំរាប់ទីកន្លែងដទៃទៀតក្នុងការផ្ដល់ប្រឹក្សា
និង ពិនិត្យឈាមរកមេរោគអេដស៏ដោយស្មគ្រ័ចិត្ដ និង រក្សាការសំងាត់។
សំនួរទី២៖ តើហេតុអ្វីការពន្យារកំណើត មានសារៈសំខាន់សំរាប់យុវវ័យ?
ចំលើយ៖ ជាការពិតណាស់ ការពន្យារកំណើតមានសារៈសំខាន់សំរាប់យុវវ័យពីព្រោះ ៖
- ស្ដ្រីមានផ្ទៃពោះនៅក្មេងពេក អាចជួបប្រទះនឹងការរលូតកូន
- មានការលំបាក នៅពេលសំរាលកូន ដោយសារម្ដាយនៅក្មេងពេក
- ប្រសិនបើមិនអាចសំរាលកូនបាន ចាំបាច់ត្រូវធ្វើការវះកាត់ ហើយការវះកាត់
ត្រូវការចំណាយប្រាក់ច្រើន និងពេលខ្លះអាចមានគ្រោះថ្នាក់ដល់ជីវិត
- ប្រហែលជាមិនអាចបន្ដការសិក្សាបាន ប្រសិនបើមានផ្ទៃពោះឋិតនៅក្នុងវ័យសិក្សា
- គ្មានលទ្ធភាពក្នុងការមើលថែរក្សាកូន ហើយពេលខ្លះអាចធ្វើអោយមានការប៉ះពាល់ដល់កិត្ដិយសគ្រួសារប្រសិនបើមាន ផ្ទៃពោះមុនពេលរៀបការ។ បន្ថែមពីនេះ ការមានផ្ទៃពោះបែបនេះ អាចឈានទៅដល់ ការរំលូតកូន(យកកូនចេញ)ដោយគ្មានសុវត្ថិភាព និង ជាប្រការមួយនាំអោយមាន គ្រោះថ្នាក់បំផុត
សំនួរទី៣៖ តើស្ដ្រីគួរតែត្រូវធ្វើយ៉ាងណា ដើម្បីបង្ការការមានផ្ទៃពោះដោយមិនចង់បាន?
ចំលើយ៖ ដើម្បីបង្ការការមានផ្ទៃពោះដោយមិនចង់បាន អ្នកនិងដៃគូរបស់អ្នកគួរតែៈ
- មានការយល់ដឹងអំពីការមានផ្ទៃពោះ
- ប្រសិនបើអ្នកពិតជាចង់ធ្វើការរួមភេទ សូមប្រើប្រាស់វិធីពន្យារកំណើត អោយបាន
ត្រឹមត្រូវ ដូចជាការប្រើ ស្រោមអនាម័យ រឺ ក៏ប្រើស្រោមអនាម័យរួមផ្សំជាមួយនឹង ការលេបថ្នាំពន្យារកំណើតផង
- ត្រូវប្រើប្រាស់ថ្នាំពន្យារកំណើតបន្ទាន់ ប្រសិនបើមានការរួមភេទដោយមិនបានប្រើ
ស្រោមអនាម័យ ។ល។
សំនួរទី៤៖ តើគួរត្រូវធ្វើយ៉ាងណាដើម្បីធានាថា ខ្ញុំនឹងមិនអាចមានផ្ទៃពោះបាន ប្រសិនបើស្រោមអនាម័យរបស់ខ្ញុំរហែកនៅពេលដែលខ្ញុំកំពុងរួមភេទ?
ចំលើយ៖ ប្រសិនបើមានការរហែក រឺ បែកស្រោមអនាម័យបែបនេះមែន អ្នកគួរតែប្រញាប់
លេបថ្នាំពន្យារកំណើតបន្ទាន់ មិនអោយលើសពី៧២ម៉ោង បន្ទាប់ពីអ្នកមានការរួមភេទ ជាងនេះទៅទៀតលេប
កាន់តែឆាប់កាន់តែល្អ។
សំនួរទី៥៖ តើស្ដ្រីគួរមានផ្ទៃពោះ រឺ មានកូននៅអាយុប៉ុន្មាន?
ចំលើយ៖ ស្ដ្រីចាំបាច់់ យ៉ាងហោយណាស់ត្រូវមានអាយុយ៉ាងតិច១៨ឆ្នាំ ហើយយ៉ាងច្រើន បំផុតនៅអាយុ៣៥ឆ្នាំ។ ប្រសិនបើមានកូននៅអាយុក្រោម ១៨ឆ្នាំ និង លើសពី ៣៥ឆ្នាំ ការសំរាលកូននឹងជួបការលំបាកជាច្រើន ដូចជា ត្រូវការវះកាត់ជាដើម។
សំនួរទី៦៖ ឪពុកម្ដាយរបស់ខ្ញុំនិយាយថា ស្ដ្រីដែលលេបថ្នាំពន្យារកំណើត គឺជាស្រីខូច រឺស្ដ្រីរកស៊ីផ្លូវភេទ។ តើនេះត្រឹមត្រូវដែរ រឺទេ?
ចំលើយ៖ ជាទូទៅអ្នកដែលរិះគន់ រឺ ក៏តិទៀនបែបនេះ ភាគច្រើនគឺជាមនុស្សមិនបានស្វែង
យល់អោយបានច្បាស់ នូវអ្វីទៅជាការលេបថ្នាំពន្យារកំណើត។ ឪពុកម្ដាយរបស់យើងជា អ្នកជំនាន់មុន ដែលខុសពីជំនាន់យើង ដូច្នេះពួកគាត់មួយចំនួន មិនបានទទួលការយល់ដឹង អោយបានច្បាស់ដូចយើងជំនាន់ឡើយ។ Dr. Love តែងតែអោយ យោបល់អោយមានការ ពិភាក្សាជាមួយពួកគាត់ និង ដៃគូរបស់អ្នកអោយបានច្បាស់ ហើយព្យាយាមពន្យល់គាត់ថា ការលេបថ្នាំពន្យារកំណើតមិនមែនមានន័យថាស្ដ្រីនោះ គឺជាស្ដ្រីរកស៊ីផ្លូវភេទឡើយ។ ជាទូទៅស្ដ្រីដែលជ្រើសរើសយកវិធីពន្យារកំណើតបែបនេះ មកពីគេដឹងថា ការលេបថ្នាំសំរាប់ ពន្យារកំណើតនេះ មានប្រសិទ្ធិភាពល្អសំរាប់គេ។ សូមចងចាំថា វិធីការពារកំណើតដែលទុក ចិត្ដបំផុតនោះ គឺការប្រើស្រោមអនាម័យផង និង ការលេបថ្នាំពន្យារកំណើតផងក្នុងពេលតែ មួយ មុនពេលមានការរួមភេទ។
សូមជួមពិភាក្សាជាមួយវេជ្ជបណ្ឌិតសំរាប់ព័ត៌មានបន្ថែម។
សំនួរទី៧៖ តើខ្ញុំគួរធ្វើយ៉ាងណា ប្រសិនបើខ្ញុំមានការយឺតយ៉ាវក្នុងការលេប
ថ្នាំពន្យារកំណើត?
ចំលើយ៖ ប្រសិនបើអ្នកលេបថ្នាំពន្យារកំណើតយឺតលើសពី ៧២ម៉ោង នោះថ្នាំពន្យារកំណើត របស់អ្នកលែងមាន ប្រសិទ្ធិភាព១០០%ទៀតហើយ។ ដូច្នេះហើយអ្នកចាំបាច់ត្រូវប្រើស្រោម អនាម័យប្រសិនបើអ្នកមានការរួមភេទ។
|
