Migration

ស្នេហា និងមិត្តភាព

សព្វថ្ងៃនេះ មានប្រជាពលរដ្ឋកម្ពុជាជាច្រើន បានចាកចេញពីស្រុកភូមិរបស់ពួកគាត់ ទៅកាន់ស្រុកភូមិដ៏ទៃទៀត ឬមកកាន់ទីក្រុង ក្នុងគោលបំណងរកការងារធ្វើដើម្បីជួយសំរាលសេដ្ឋកិច្ចគ្រួសារ។ ក្នុងចំណោមអ្នកធ្វើចំណាកស្រុកទាំងអស់នោះ ភាគច្រើនគឺមិនបានយល់ដឹង អំពីផល់ប៉ះពាល់ និងគ្រោះថ្នាក់មួយចំនួន ដែលអាចកើតមានឡើងចំពោះពួកគាត់ឡើយ។

ខាងក្រោមនេះគឺជាអត្ថបទអប់រំមួយ ដែលអាចជួយលោកអ្នក និងអ្នកធ្វើចំណាកស្រុកទាំងអស់ស្វែងយល់អំពីផលបះពាល់ និងគ្រោះថ្នាក់នៃការធ្វើចំណាកស្រុកទាំងនោះ និងយល់ដឹងអំពីវិធីបង្ការ និងវិធីស្វែងរកជំនួយនៅពេលមានគ្រោះថ្នាក់ផងដែរ។

តើចំណាកស្រុកគឺជាអ្វី?ការធ្វើចំណាកស្រុកគឺជាការផ្លាស់ទីពីកន្លែងមួយទៅកន្លែងមួយផ្សេងទៀត ដោយការបង្ខិតបង្ខំ និងដោយការស្ម័គ្រចិត្ត។
តើការជួញដូរមនុស្សគឺជាអ្វី?
គឺជាការជ្រើសរើស ការដឹកជញ្ជូន ការផ្ទេរ ការទទួលមនុស្សតាមមធ្យោបាយ គំរាមគំហែង ប្ញ ប្រើកំលាំង ប្ញទម្រង់ឯទៀត តាមការបង្ខំ ការចាប់ពង្រត់ ការប្រើល្បិចកល ការបោកបញ្ឆោត ការប្រើអំណាច ប្ញឆ្លៀតយកស្ថានភាពងាយរងគ្រោះ ប្ញការផ្តល់សន្យាថាឱ្យ ប្ញទទួលកំរៃ ប្ញអត្ថប្រយោជន៏ច្រើន ដើម្បីអោយមនុស្សនោះយល់ព្រមស្ថិតនៅក្រោមការ ត្រួតត្រារបស់ជនឯទៀត ដើម្បីបំណងធ្វើអាជីវកម្ម។

ហេតុអ្វីបានជាគេធ្វើចំណាកស្រុក?

- មូលហេតុផ្នែកសេដ្ឋកិច្ច	- អំពើហឹង្សាក្នុងគ្រួសារ
- ស្វែងរកការងារធ្វើ	- ឪពុកម្តាយស្លាប់
- បញ្ហាជំងឺអេដស៍/ហ៊ីវ	- ការបោកប្រាស់
- ចង់ស្គាល់ទីក្រុង	- គ្រោះមហន្តរាយធម្មជាតិ
- ប្រព្រឹត្តបទល្មើស	- បញ្ហាផ្លូវចិត្ត
- ស្ថានភាពរស់នៅដែលមិនមានសុវត្ថិភាព	- កង្វះខាតឱកាស
- តំរូវការបុគ្គលិក (សំរាប់ប្រទេសផ្សេង)

គ្រោះថ្នាក់នៃការធ្វើចំណាកស្រុក
- ប្រឈមមុខទៅនឹងការជួញដូរ ការកេងប្រវញ្ច័ផ្លូវភេទ និងការកេងប្រវញ្ច័កំលាំងពលកម្ម
- អំពើហឹង្សា
- ឆ្លងជំងឺផ្សេងៗ និងមិនអាចទៅរកសេវាសុខភាព
- ត្រូវបានបង្ខំអោយប្រើប្រាស់គ្រឿងញៀន
- មិនបានទទួលការគាំពារពីគ្រួសារ មិត្តភ័ក្កិ និងអ្នកជិតខាង
- រស់នៅតាមថ្នល់
- គ្មានអាហារ គ្មានប្រាក់ និងគ្មានការងារ
- ប្រឈមមុខទៅនឹងការរើសអើង
តើគេអាចចៀសផុតពីអ្នកជួញដូរដោយរបៀបណា?
- កុំឆាប់ជឿគេងាយពេក
- ត្រូវសុំជំនួយពេលជួបជាមួយនឹងអ្នកជួញដូរ
- ត្រូវប្រាប់ដល់ឪពុកម្តាយពេលជួប ឬ ឃើញករណីជួញដូរ
- មិនត្រូវព្យាយាមលាក់បាំងព័ត៌មានឡើយ
- ផ្តល់ព័ត៌មានដល់អ្នកផ្សេងៗទៀតមុនពេលអ្នកចាកចេញ
- សួរសំណួរដល់ជនបោកប្រាស់
- មិនត្រូវផ្តល់ព័ត៌មានផ្សេងៗដល់ជនបោកប្រាស់ឡើយ
- មើល និងស្តាប់ព័ត៌មាន
- ប្រាប់ដល់ប៉ូលិសពេលជួបនឹងជនបោកប្រាស់
- ត្រូវក្លាហានបដិសេដ នៅពេលដែលសង្ស័យថាគេជាជនបោកប្រាស់
ចំណុចសំនាន់ៗគួរយល់ដឹងមុនពេលធ្វើចំណាកស្រុក
- ពិភាក្សា ផ្តល់ព័ត៌មានដល់គ្រួសារ មិត្តភ័ក្រ
- និងអាជ្ញាធរមុនពេលចាកចេញពីសហគមន៍
- រៀបចំផែនការ ទៅកន្លែងណា ដោយរបៀបណា និងដើម្បីអ្វី
- មានឯកសារពាក់ព័ន្ធ អត្តសញ្ញាណប័ណ្ណ សៀវភៅគ្រួសារនិងលិខិតឆ្លងដែន
- ត្រូវយល់ដឹងអំពីការប្រកាសជ្រើសរើសបុគ្គលិក
- ត្រូវដឹងអំពីកន្លែងការងារ ឈ្មោះរោងចក្រ
- និងឈ្មោះក្រុមហ៊ុនដែលនឹងធ្វើការ
- ត្រូវមានជំនាញពាក់ព័ន្ធទៅនឹងតំរូវការជ្រើសរើសនោះ
- ត្រូវធ្វើដំណើរទៅជាក្រុម និងជាមួយនឹងក្រុមគ្រួសារ
- ត្រូវស្គាល់លេខទូរស័ព្ទទំនាក់ទំនងប៉ូលិស និងអ្នកជិតខាង
- ត្រូវមានប្រាក់ជាប់នឹងខ្លួន
- ត្រូវស្គាល់កន្លែងដែលត្រូវស្នាក់នៅ។
តើអ្នកណាខ្លះអាចជួយអ្នកបានប្រសិនបើអ្នកប្រឈមមុខនិងគ្រោះថ្នាក់?
តើកន្លែងណាខ្លះ?
សូមទាក់ទងមកបណ្តាញសុវត្ថិភាពកុមារ ដែលមានលេខទូរស័ព្ឌ និងអាស័យដ្ឋានដូចខាងក្រោម៖
- នៅភ្នំពេញ៖ ទូរស័ព្ឌលេខ ០១២ ៣១១ ១១២
  ផ្ទះលេខ១៨៦ ផ្លូវលេខៈ១៣ សង្កាត់ជ័យជំនះ ខណ្ឌដូនពេញ
- នៅសៀមរាប៖ ទូរស័ព្ឌលេខ ០១៧ ៣៥៨ ៧៥៨
  ផ្ទះលេខ៦០៥ & ៦០៧ មណ្ឌលមួយ ឃុំស្វាយដង្គោម ស្រុកសៀមរាប
- ខេត្តព្រះស៊ីហនុ៖ ទូរស័ព្ឌលេខ០១២ ៤៧៨ ១០០
  ក្រុម៤ ភូមិ៥ សង្កាត់៤ ខ័ណ្ឌមិត្តភាព
- ខេត្តកំពង់ចាម៖ ទូរស័ព្ឌលេខ០១២ ៥៥៧ ១៨៨
  ផ្ទះលេខ153 ផ្លូវលេខ៨៤ ក្រុមទី២ ភូមិទី១ ឃុំវាលវង់ ស្រុកកំពង់ចាម
- ខេត្តព្រៃវែង/ស្វាយរៀង៖ ទូរស័ព្ឌលេខ០៨៩ ៥០០ ០០៨
  ភូមិចំបក់ ឃុំប្រាសាទ ស្រុកកំពង់ត្របែក

តើការងារអ្វីខ្លះដែលជនចំណាកស្រុកអាចធ្វើបាននៅក្នុងសហគមន៍របស់ខ្លួន?

ជួយដល់ឪពុកម្តាយ និងក្រុមគ្រួសាររបស់ខ្លួន

ដាំបន្លែលក់

កាត់ដេរ និងវគ្គបណ្តុះបណ្តាលជំនាញកែសម្ផស្ស

ផលិតផលធ្វើនៅផ្ទះ ចិញ្ចឹមមាន់ ទា ជ្រូក គោ ៘

ធ្វើការជាចុងភៅនៅភោជនីយដ្ឋាន និងនៅតាមពិធីផ្សេងៗ

បើកហាងលក់គ្រឿងទេស លក់ទឹកអំពៅនៅផ្ទះ និងតាមសាលារៀនជាដើម

រាល់ព័តមានទាំងអស់ដែលមាននៅលើគេហទំព័រនេះប្រើប្រាស់សំរាប់ការអប់រំតែប៉ុណ្ណោះ។ រាល់ការផ្តល់ប្រឹក្សា និងរោគវិនិច្ឆ័យ ផ្សេងៗទៀត សូមជួបពិគ្រោះប្រឹក្សាជាមួយវេជ្ជបណ្ឌិត រឺគ្រូពេទ្យជំនាញរបស់អ្នក។ រក្សាសិទ្ធិគ្រប់យ៉ាងដោយអង្គការ ហ្វ្រេន្សអ៊ឺនធឺណាសិនណល