ពីនេះពីនោះជុំវិញការសំរេចកាមដោយខ្លួនឯង
ការសំរេចកាមដោយខ្លួនឯង ឬការជួយខ្លួនឯង (masturbation, self-love, solo-sex) គឺជាសកម្មភាពដែលមនុស្សភាគច្រើនបានរកឃើញ និងយល់ឃើញថា វាអាចជួយសំរួលដល់អារម្មណ៏ផ្លូវភេទរបស់ពួកគេយ៉ាងមានសុវត្ថិភាព ក្នុងកំឡុងពេលដែលពួកគេមិនទាន់រៀបអាពាហ៍ពិពាហ៍។
តើការសំរេចកាមដោយខ្លួនឯងគឺជាអ្វី?
យោងទៅតាមវចនានុក្រមCambridge Dictionaries Online
បានអោយនិយមន័យថា៖
Masturbation (ការសំរេចកាមដោយខ្លួនឯង
ឬការជួយខ្លួនឯង) គឺជាការលេង
ឬត្រដុសអវៈយវៈភេទខ្លួនឯង
ដើម្បីធ្វើឲ្យខ្លួនឯងមានអារម្មណ៍សុខស្រួល
រំភើបរីករាយផ្នែកផ្លូវភេទ។
តើការសំរេចកាមដោយខ្លួនឯង អាចបះពាល់ដល់សុខភាពរបស់អ្នកដែរឬទេ?
ការសំរេចកាមដោយខ្លួនឯង គឺជាសកម្មភាពផ្លូវភេទមួយ ដើម្បីសម្របទៅតាមអារម្មណ៍ផ្លូវភេទ និងការជំរុញនៃអកម៉ូនដែលបានទាមទារ។ វាគឺសកម្មភាពដែលមានសុវត្ថិភាពបំផុតដែលដុកទ័រភាគច្រើនបានណែនាំ ចំពោះអ្នកដែលមិនទាន់ចង់ប្រឡូកក្នុងសកម្មភាពរួមភេទនៅឡើយ ព្រោះវាអាចឲ្យអ្នកជៀសផុតពីជំងឺផ្សេងៗដែលអាចឆ្លងតាមរយៈការរួមភេទ។ ក៏ប៉ុន្តែប្រសិនបើអ្នកប្រព្រឹត្តវាញឹកញាប់ពេក វាក៏អាចបណ្តាលទ្រុតទ្រោមដល់សុខភាពអ្នកខ្លះៗផងដែរ ក៏ប៉ុន្តែវាមិនធ្ងន់ធ្ងរឡើយ។
ផលបះពាល់ទាំងនោះរួមមាន ៖
- មានអារម្មណ៍ ហេវហត់ អស់កំលាំង គ្រប់ពេលវេលា
- បាត់បង់ទំនុកចិត្តទៅលើខ្លួនឯង
- រលាកទៅលើប្រដាប់ភេទ
- ឈឺចុកអួលទៅលើពងស្វាស
- ឆាប់ចេញទឹកកាម
- ឈឺខ្នង ឬចង្កេះ
- ជ្រុះសក់ជាដើម
តើមនុស្សពេញវ័យចាំបាច់ត្រូវតែសំរេចកាមដោយខ្លួនឯងមែនដែរឬទេ?
វាមិនមែនជាការចាំបាច់ដែលអ្នកត្រូវសំរេចកាមដោយខ្លួនឯងនោះទេ។ ប្រសិនបើអ្នកមិនប្រព្រឹត្តវា ក៏គ្មានផលប៉ះពាល់អ្វីដល់សុខភាពរបស់អ្នកដែរ។ ដូចនេះប្រសិនបើអ្នកមិនទាន់ចង់ប្រឡូកក្នុងរឿងផ្លូវភេទនោះទេ សូមអ្នកកុំយកវាមកលាយឡំនូវក្នុងគំនិតអ្នកធ្វើអ្វី។ អ្នកគួរយកពេលវេលាដែលខ្លួនមាន ទៅក្រេបយកចំណេះវិទ្យាដើម្បីខ្លួនអ្នកទាន់ខ្លួននៅក្មេង ទើបជាការប្រសើរ។
តើខ្ញុំគួរសំរេចកាមដោយខ្លួនឯងប៉ុន្មានដងក្នុងមួយសប្តាហ៍ទើបជាការប្រសើរ?
គឺវាអាស្រ័យទៅលើ កំលាំងពលំ ភាពប្រែប្រួលនៃវ័យ
និងសុខភាពរបស់មនុស្សម្នាក់។
ដូច្នេះប្រសិនបើអ្នកជាអ្នកសំរេចកាមដោយខ្លួនឯងដែរនោះ
អ្នកត្រូវចេះស្វែងយល់អំពីសុខភាពរបស់ខ្លួន។ ក៏ប៉ុន្តែ
ជាទូទៅការសំរេចកាមដោយខ្លួនឯង គួរតែប្រព្រឹត្តត្រឹម
២ទៅ៣ដងក្នុង១សប្តាហ៍ ទើបប្រសើរ ។
តើអ្នកគួរធ្វើយ៉ាងដូចម្តេចដើម្បីកាត់បន្ថយការសំរេចកាមដោយខ្លួនឯង?
ខាងក្រោមនេះគឺជាវិធីជួយកាត់បន្ថយការសំរេចកាមដោយខ្លួនឯង៖
- សូមរៀបចំទីកន្លែងដែលអ្នករស់នៅអោយបានស្អាត ហើយត្រូវប្រមូលឧបករណ៍ ឬសំភារៈផេ្សងៗមានលក្ខណៈអាសអាភាស ចេញពីកន្លែងដែលអ្នករស់នៅ។
- លប់ចោលនូវរូបភាព វីដេអូ អាសអាភាសផ្សេងៗ ចេញពីឧបករណ៍អេឡិចត្រូនិចនានា ឧទាហរណ៍ដូចជា៖ ទូរស័ព្ឌដៃ ម៉ាស៊ីនចាក់វីដេអូ ម៉ាស៊ីនកុំព្យូទ័រ ជាដើម។ល។
- ហើយជៀសវាងប្រើប្រាស់អ៊ីនថឺណិតដើម្បីគោលបំណងសំរាប់ស្វែងរករូបភាពអាសអាភាស។
- ត្រូវកាត់បន្ថយការកាន់ ឬលេងប្រដាប់ភេទរបស់ខ្លួនឯងញឹកញាប់ ។
- ផ្លាស់ប្តូរទំលាប់របស់អ្នក៖ អ្នកមិនអាចកាត់បន្ថយ
ការសំរេចកាមដោយខ្លួនឯងបានឡើយ ប្រសិនបើ រៀងរាល់ថ្ងៃ
អ្នកតែងនៅសំងំក្នុងបន្ទប់ទឹកម្នាក់ឯង
ដើម្បីមើលរឿងអាសអាភាសនោះ។
សូមកែទំលាប់របស់អ្នកដោយយកពេលវេលានោះ
ចេញមកក្រៅក្រៅផ្ទះ ដើម្បីជួបជុំមិត្តភ័ក្ត
ជជែកគ្នាលេង ឬក៏លេងកីឡាទើបជាការប្រសើរ។
-
បង្វែអារម្មណ៍ចង់សំរេចកាមដោយខ្លួនឯទៅលេងកីឡាជំនួសវិញ៖
ក្នុងករណីដែលអារម្មណ៍ចង់សំរេចកាមដោយខ្លួនឯង សូមដោះស្រាយដោយ វិធី ធ្វើលំហាត់ប្រាណ ព្រោះថា ការធ្វើលំហាត់ប្រាណអាចជួយដុតបំផ្លាញថាមពលក្នុងខ្លួនអ្នក និងធ្វើឲ្យអ្នកអស់កំលាំង លែងមានអារម្មណ៍ចង់ធ្វើវាទៀត។
បញ្ចាក់៖
-
ការសំរេចកាមដោយខ្លួនឯង មិនប៉ះពាលដល់សុខភាពធ្ងន់ធ្ងរឡើយ។ វាមិនបានធ្វើអោយអ្នកបាត់បងសមត្ថភាពជាបុរស ឬធ្វើឲ្យអ្នកគ្មានកូនឡើយ។
